Azərbaycan, Bakı, 12 aprel /Trend, müxbir A.Axundov/
Azərbaycanda SWIFT istidafədəçiləri milli qrupunun yeni rəhbəri seçiləcək. Bu barədə cümə axşamı Trend-ə ölkənin bank dairələrindən bildiriblər.
Əvvəllər bu vəzifəni 2010-cu ildə vəfat etmiş "Azericard" prosessinq mərkəzinin baş direktoru Elmar Sadıqov tutub. Bu gün bu vəzifəni müvəqqəti olaraq Azərbaycan Beynəlxalq Bankı icra edir.
SWIFT istidafədəçiləri milli qrupunun yeni rəhbərinin təyin edilməsi məqsədilə aprelin 17-də Azərbaycan Banklar Assosiasiyasında bankların nümayəndələrinin iştirakı ilə görüş keçiriləcək. Görüşdə bu vəzifəyə namizədlər müəyyənləşdiriləcək.
"Əgər bu görüşdə qrupa rəhbər seçmək mümkün olmasa, o zaman əlavə seçkilərin keçirilməsi lazım olacaq", - mənbə deyib.
