Azərbaycan, Bakı, 7 iyun /Trend, müxbir A.Axundov/
Azərbaycanın Qiymətli Kağızlar üzrə Dövlət Komitəsi (QKDK) "Paşa Bank"ın adi, adlı, sənədsiz səhmlərinin emissiya prospektini qeydiyyata alıb. Trend-in məlumatına görə, bu barədə cümə axşamı QKDK-nın yaydığı məlumatda deyilir.
Emissiyanın yerləşdirilməsi 13686,94 manat nominalında 10000 səhmin 15700 manat nominallı eyni həcmdə səhmə konvertasiya yolu ilə həyata keçiriləcək.
Beləliklə, şirkətin nizamnamə kapitalı 136,87 milyon manatdan 157 milyon manatadək artacaq.