Azərbaycan, Bakı, 18 iyun /Trend, müxbir Ə.Həsənov/
Azərbaycan Mərkəzi Bankı yanında fəaliyyət göstərən Azərbaycan İpoteka Fondunun (AİF) 3 milyon manat həcmində faizli, sənədsiz, təmin edilmiş, adlı istiqrazlarının emissiyasının növbəti hissəsinin yerləşdirilməsi elan edilib. Trend-in məlumatına görə, bu barədə bazar ertəsi AİF-in yaydığı məlumatda deyilir.
İstiqrazların yerləşdirilməsi iyunun 21-də baş tutacaq. Sifarişlər 100,8167 faiz qiymətlə təqdim ediləcək. İstiqrazların ödənmə tarixi 22 yanvar 2022-ci ildir.
Yerləşdirmə 2012-ci ilin yanvarında illik 3 faiz dərəcəsi ilə, hər bir istiqrazın nominal qiyməti 1000 manat olmaqla 30 milyon manat həcmində qeydə alınan emissiyadan həyata keçirilir.
Bu emissiyadan istiqrazların yerləşdirilməsi cari ilin mart ayının 15-də başlayıb və hazırda yerləşdirilən istiqrazların məbləği 17 milyon manat təşkil edir.