Azərbaycan, Bakı, 25 iyul /Trend, müxbir A.Axundov/
"Azərbaycan Dəmir Yolları" QSC-nin bütün qatarları kondisioner sistemi ilə təchiz edilib, buna görə də, respublikada hökm sürən isti hava şəraiti sərnişinlər üçün narahatlıq yaratmır. Bu barədə çərşənbə günü Trend-ə QSC-nin sərnişin xidmətinin rəhbəri Elyar Muradov bildirib.
"Bütün qatarlarda kondisionerlər quraşdırılıb. Hər gün geri qayıdan qatarlar soyutma sistemində nasazlığa görə xüsusi yoxlamadan keçir", - Muradov deyib.