Azərbaycan, Bakı, 7 sentyabr /Trend, müxbir Ə.Həsənov/
Avqustun əvvəlinə Azərbaycan regionlarında əhaliyə verilən kreditlər 1392,5 milyon manat və ya bankların kredit portfelinin ümumi həcminin 12,86 faizini təşkil edib. Trend-in məlumatına görə, bu barədə cümə günü Azərbaycan Mərkəzi Bankın (AMB) statistik hesabatında deyilir.
2012-ci il avqustun əvvəlinə olan məlumata görə, banklar 10 826,641 milyon manat kredit verib ki, burada milli valyutada verilən kreditlər 7 183,88 milyon manat (66,35 faiz), xarici valyutada olan kreditlər isə 3 642,53 milyon manat (33,65 faiz) səviyyəsində olub.
Bakı üzrə bu göstərici 9 433,86 milyon manat təşkil edib ki, burada milli valyutada verilən kreditlərin payına 6 122,93 milyon manat düşüb.
Avqustun əvvəlinə ölkədə orta faiz dərəcəsi 15,7 faiz, Bakı üzrə isə 15 faiz təşkil edib.
Kreditləşmənin həcmi Abşeron iqtisadi rayonu üzrə orta faiz dərəcəsi 18,2 faiz olmaqla 330,31 milyon manat, Aran iqtisadi rayonu üzrə 22,6 faizlə 302,87 milyon manat, Dağlıq Şirvan iqtisadi rayonu üzrə 21,5 faizlə 33,81 milyon manat, Gəncə-Qazax iqtisadi rayonu üzrə 20,8 faizlə 303,24 milyon manat, Quba-Xaçmaz - 20 faizlə 121,57 milyon manat, Lənkəran - 24,3 faizlə 122,34 milyon manat, Şəki-Zaqatala - 23,4 faizlə 84,58 milyon manat, Yuxarı Qarabağ - 22,5 faizlə 14,05 milyon manat, Kəlbəcər-Laçın - 18,3 faizlə 2,35 milyon manat, Naxçıvan - 12 faizlə 77,43 milyon manat olub.
