Azərbaycan, Bakı, 15 noyabr /Trend, müxbir A.Axundov/
Avropa Yenidənqurma və İnkişaf Bankının (AYİB) Azərbaycanın maliyyə sektoru ilə işlərin genişləndirilməsi məsələsinin müzakirəsi üzrə növbəti missiyası ölkəyə gələn il gələcək. Bu barədə cümə axşamı Trend-ə AYİB-in Azərbaycandakı nümayəndəliyinin rəhbəri Nil Makkeyn bildirib.
Oktyabrda AYİB-in Qafqaz, Monqolustan və Mərkəzi Asiya ölkələri üzrə maliyyə institutları ilə iş üzrə direktoru Mayk Teylor Azərbaycana səfər edib. Səfərin məqsədi 2013-cü ildə Azərbaycanın bank bazarında gözlənilən birləşmə və sərf edilmə proseslərində AYİB-in mümkün iştirakının müzakirəsi olub.
"Teylorun səfərindən sonra hələlik heç bir konkret nəticə yoxdur. O, Mərkəzi Bankla çox şeyin dəyişdiyi bank sektorunun inkişaf imkanlarını və perspektivlərini müzakirə edib. Teylor, həmçinin AYİB-in Azərbaycanda sayı doqquza bərabər olan tərəfdaş bankları ilə görüşlər keçirib. O, Azərbaycana növbəti dəfə 2013-cü ildə səfər edəcək", - Makkeyn bildirib.
Onun sözlərinə görə, ölkədə kapitala tələbin beşqat artırılması çox maraqlı məqamdır.
"Biz Mərkəzi Bankın bu siyasətini tamamilə dəstəkləyirik. Bu qərar yalnız bankların kapitalını artırmağa deyil, həm də banklarda kadrların konsentrasiyasını yüksəltməyə imkan verəcək. Biz bu prosesdə iştirak etmək istərdik. Əgər uyğun layihələr olarsa, biz yalnız kreditlərin verilməsi vasitəsilə vəsaitlərin qoyuluşunda iştirak etməkdə deyil, həmçinin səhmlərin alınmasında maraqlıyıq", - Makkeyn deyib.