Azərbaycan, Bakı, 13 fevral /Trend, müxbir A.Axundov/
Beynəlxalq Sığorta Şirkətinin (BSŞ) sığortanın icbari növləri üzrə fəaliyyətə başlaması filial şəbəkəsinin genişləndirilməsini tələb edir. Bu barədə Trend-ə çərşənbə günü şirkətin İdarə heyətinin sədri Məmməd Sadıq Məmmədov bildirib.
Şirkət Gəncədə, Sumqayıtda və Şəkidə filiallara malikdir. İcbari Sığorta Bürosunun iştirakçılarına irəli sürülən tələblərə görə, sığorta edənin işğal edilmiş ərazilərdən başqa, ölkənin 10 iqtisadi regionunun heç olmasa rayon və ya şəhərlərindən birində zərərin ödənilməsi üçün lazım olan bütün imkanlara malik filial və ya nümayəndəliyi olmalıdır.
"İcbari növlər üzrə işləmək üçün icazə almadan yeni filialları açmaq məqsədəuyğun deyil", - Məmmədov bildirib.
Beynəlxalq Sığorta Şirkəti 2002-ci ildə yaradılıb.
