...

AİF səhmlərin növbəti yerləşdirilməsini keçirəcək

Biznes və iqtisadiyyat xəbərləri Materials 20 Avqust 2013 20:05 (UTC +04:00)
Avqustun 23-ündən etibarən Bakı Fond Birjasında (BFB) «Azərbaycan İpoteka Fondu»-nun (AİF) faizli adlı sənədsiz təmin edilmiş istiqrazlarının yerləşdirilməsi üzrə növbəti hərrac keçiriləcək.
AİF səhmlərin növbəti yerləşdirilməsini keçirəcək

Azərbaycan, Bakı, 20 avqust /Trend /

Avqustun 23-dən etibarən Bakı Fond Birjasında (BFB) "Azərbaycan İpoteka Fondu"-nun (AİF) faizli adlı sənədsiz təmin edilmiş istiqrazlarının yerləşdirilməsi üzrə növbəti hərrac keçiriləcək. Bu barədə AİF-in yaydığı məlumatda bildirilir.

Hərraca 3 000 000 AZN həcmində istiqraz çıxarılacaq. Emissiya prospektinə əsasən, yerləşdirmə kütləvi təklif üsulu ilə "Bakı Fond Birjası" QSC vasitəsi ilə keçiriləcək. İstiqrazlar 100,4833 faiz qiymətlə satışa çıxarılacaqdır.

İstiqrazların ödənmə tarixi - 06 noyabr 2022-ci ildir. Təqdim edilmiş sifarişlər təklifdən çox olduğu halda sifarişlər proporsional qaydada təmin ediləcəkdir.

İstiqrazların ilkin yerləşdirilməsində iştirak edən təşkilat: Azərbaycan Respublikası Mərkəzi Bankı.

AİF-in təmin edilmiş istiqrazlarının emissiya prospekti Bakı Fond Birjasının internet saytının (www.bfb.az) "Emitentlər" bölməsində yerləşdirilib.

Məqalədə:
Xəbər lenti

Xəbər lenti