...

Azərbaycanda AYİB-in xidmətlərinə tələbat xeyli artıb

Biznes və iqtisadiyyat xəbərləri Materials 15 May 2014 15:28 (UTC +04:00)

Trend-i buradan izləyin

Polşa, Varşava, 15 may /Trend, müxbirlər E.Əliyev, G.Dadaşova/

Azərbaycan biznesinin Avropa Yenidənqurma və İnkişaf Bankının (AYİB) fəaliyyətinə marağı xeyli artıb. Bunu cümə axşamı Trend-ə AYİB-in Bakı nümayəndəliyinin rəhbəri Nil Makkeyn deyib.

O bildirib: "Bizim iş modelimiz BVF və Dünya Bankı kimi beynəlxalq maliyyə institutlarından fərqlənir. Bank bir il üçün əvvəlcədən müəyyən edilmiş investisiya portfelini hazırlamır. Biz banka daxil olan müraciət və təkliflərə reaksiya veririk. Məqsəd miqyasın öyrənilməsidir. Deyə bilərəm ki, 2013-cü ilə nisbətən cari ilin 4 ayında daha çox investisiya yatırmışıq".

N.Makkeyn qeyd edib ki, ənənəvi olaraq, AYİB-dən kredit götürmə imkanlarına özəl sektor maraq göstərir: "Maliyyə təşkilatları daha çox fəallıq nümayiş etdirirlər. Bundan başqa, Azərbaycanda müxtəlif infrastruktur layihələri üzrə bizə təkliflər də daxil olur".

O əlavə edib ki, bank özəl sektorun dəstəyi ilə ölkədə fəaliyyət istiqamətini dəyişmək niyyətində deyil.

Qeyd edək ki, AYİB 1991-ci ildən bu günədək Azərbaycanda 146 layihəyə təqribən 1,8 milyard avro ayırıb. Özəl sektora isə vəsaitlərin təxminən yarısı yönləndirilib.

Məqalədə:
Xəbər lenti

Xəbər lenti