Azərbaycan, Bakı, 6 iyun /Trend, müxbir Z.Qurbanova/
2014-cü il mayın 1-nə olan vəziyyətə görə, Azərbaycan bankları ötən ilin müvafiq dövrünün göstəriciləri ilə müqayisədə milli valyutada kreditlər üzrə faiz dərəcələrini artırıb, xarici valyuatada isə aşağı salıblar.
Trend-in Azərbaycan Mərkəzi Bankının (AMB) statistik hesabatına istinadən verdiyi məlumata görə, hesabat dövründə milli valyutada Azərbaycan iqtisadiyyatının bank kreditləşməsi üzrə orta faiz dərəcəsi 14,20 faiz təşkil edib. Bu rəqəm 2013-cü il mayın 1-nə 13,90 faizə bərabər olub. Sərbəst dönərli valyutada (SDV) bank kreditləşməsi üzrə orta dərəcə 14,62 faiz təşkil edib. 2013-cü ilin may ayının əvvəlinə bu göstərici 14,87 faiz olub.
2014-cü il mayın 1-nə milli valyutada hüquqi şəxsin bank kreditləşməsi üzrə orta faiz dərəcəsi 11,35 faiz olub. Ötən il mayın 1-nə isə bu göstərici 11,89 faiz təşkil edib. SDV-də korporativ müştərinin bank kreditləşməsi üzrə orta faiz dərəcəsi 10,80 faiz olub. 2013-cü il mayın əvvəlinə bu rəqəm 12,39 faiz təşkil edib.
2014-cü il mayın 1-nə milli valyutada fiziki şəxsin bank kreditləşməsi üzrə orta faiz dərəcəsi 17,59 faiz olub. Ötən il mayın 1-nə bu göstərici 17,07 faiz təşkil edib. SDV-də fərdi müştərinin bank kreditləşməsi üzrə orta faiz dərəcəsi 20,64 faiz olub. 2013-cü il mayın əvvəlinə isə bu rəqəm 21,63 faiz təşkil edib.
2014-cü ilin ilk 4 ayında Azərbaycanda inflyasiya ötən ilin eyni dövrünə nisbətən 1,9 faiz olub.
