Azərbaycan, Bakı, 13 avqust /Trend, müxbir Emil İsmayılov/
Yeni Bakı-Tbilisi-Qars (BTQ) dəmir yolu əlaqəsinin yaradılması çərçivəsində Gürcüstan-Azərbaycan sərhədinədək ilk sınaq vaqonlarının buraxılmasına hazırlıq aparılır. Bunu çərşənbə günü Trend-ə "Azərbaycan Dəmir Yolları" QSC-dən deyiblər.
QSC-dən bildiriblər ki, ilk sınaq vaqonlarının buraxılması bu ilin payızına planlaşdırılıb. Azərbaycan, Gürcüstan və Türkiyənin dəmir yol sistemlərini birləşdirməyə hesablanmış xəttin 2015-ci ildə tam istismara verilməsi planlaşdırılır.
Mənbənin sözlərinə görə, bu vacib layihə çərçivəsində işlər qrafikə uyğun aparılır və artıq bu il sınaq vaqonlarının işə salınması planlaşdırılır.
