Azərbaycan, Bakı, 23 sentyabr /Trend/
Azərbaycan 2014-2015-ci illərdə Rusiyaya ərzaq ixracını azı iki dəfə artıracaq və onların çeşidini 1,5 dəfə genişləndirəcək. Trend xəbər verir ki, bu barədə Azərbaycanın Moskvadakı fövqəladə və səlahiyyətli səfiri Polad Bülbüloğlu Rusiyanın biznes qəzetinə bildirib.
Onun sözlərinə görə, sentyabrın sonunadək kənd təsərrüfatı ticarəti və aqrar sənaye kompleksinə (ASK) investisyalar üzrə birgə hökumətlərarası qrup yaradılacaq. Bundan başqa, Azərbaycan tərəfi RF-yə qaz ixracını, Novorossiysk limanından neft tranzitini və qarşılıqlı hesablaşmalarda milli valyutalardan istifadəni artırmağı planlaşdırır.
Səfirin qeyd etdiyi kimi, Bakının bu planları sentyabrın ortalarında keçirilən ticarət və əməkdaşlıq üzrə hökumətlərarası komissiyanın iclası zamanı bəyan edilib.
Səfir qeyd edib ki, "RF-nin cavab tədbirləri ilə bağlı vəziyyətdən yararlanan" ölkələrdən fərqli olaraq Azərbaycan RF-yə ixrac olunan kənd təsərrüfatı məhsullarının qiymətlərini artırmaq niyyətində deyil. Ticarət sahəsində "hər şeyi tələb və təklif həll edəcək": "Biz həmin çatdırmaları çox sürətlə artıra bilərik. Bir zəmanətlə ki, Rusiya Federasiyasında cavab ölçülərinin ləğv olunacağı halda bizim ərzaq məhsullarımızın ixracı üzrə yeni müqavilələr "bağlanmayacaq". İxrac çeşidlərinə eləcə də quşçuluq, qoyun və balıq məhsulları daxil ediləcək".
Azərbaycan Rusiyaya pambıq ixracını da artırmağı planlaşdırır. 2013-cü ildə pambığın Rusiyaya ixracı 20 faiz, yəni 15 milyon dollar artıb. 2014-cü ildə Rusiyaya bu çatdırmalar 16 milyon dollardan çox ola bilər. Ümumilikdə, Rusiya iqtisadiyyatı Azərbaycandan kənd təsərrüfatı məhsullarının gətirilməsinin artması hesabına 100 milyon dollardan çox olacaq.
Səfir Azərbaycandan ixrac olunacağı ehtimal edilən məhsullar sırasında zeytun və zeytun yağının da adını çəkib: "Yeri gəlmişkən, keçmiş SSRİ ölkələri arasında Azərbaycan bu məhsulun yeganə ixracatçısıdır. Bununla yanaşı, Azərbaycanın zeytunçuluq məhsullarının ixrac həcminin 40 faizi RF-nin payına düşür. Bundan əlavə, bu yaxınlarda bizim neftimizin Novorossiysk vasitəsi ilə nəqlinin bərpası üzrə qarşılıqlı sərfəli müqavilə imzalanıb. Uzunmüdətli planda bu marşrut bizim üçün vacibdir".