Azərbaycan, Bakı, 28 iyul /Trend, müxbir Azad Həsənli/
Yadigar Cəfərov "Azərbaycan Beynəlxalq Bankının" ASC-nin mətbuat xidmətinə yeni rəhbər təyin olunub. Bu barədə Trend-ə Y.Cəfərovun özü məlumat verib.
O, bu vəzifədə 14 il bankın mətbuat katibi çalışan Rauf Ağayevi əvəz edəcək.
Y.Cəfərov bundan əvvəl 4 il ərzində "Kapitalbank"-da mətbuat xidmətində, daha sonra "Azər Türk Bank"-da ictimaiyyətlə əlaqələr şöbəsinin rəisi vəzifəsində çalışıb.
Professional fəaliyyətinə 1998-ci ildə jurnalistika sahəsində başlayan Y.Cəfərov 2006-ci ilədək "Şərq" və "Azərbaycan" qəzetlərinin əməkdaşı olub.
Filologiya üzrə fəlsəfə doktorudur.