Bakı. Azad Həsənli – Trend:
Ukraynanın “Divali Qrup” şirkəti Azərbaycana buğda ununu tədarük etməyi planlaşdırır.
Trend-in Azərbaycanda İxracın və İnvestisiyaların Təşviqi Fonduna (AZPROMO) istinadən verdiyi məlumata görə, şirkət Ukraynada buğda unu istehsalçısı – buğdanın becərilməsi və saxlanılması, ən yüksək və birinci növ un və buğda kəpəyinin istehsalı və satışı üzrə yüksək texnologiyalı müəssisə olan “Aqrodar” XSC-nin rəsmi distribyutorudur.
“Divali Qrup” Azərbaycandakı taxıl məhsulları kombinatları və buğda ununun böyük topdan satıcıları ilə tərəfdaşlıq əlaqələrinin qurulmasında maraqlıdır.