Bakı. Ceyla Əliyeva, Orxan Nəbiyev - Trend:
Azərbaycan pomidorlarının Avropa İttifaqına ixracı mümkündür.
Trend-in məlumatına görə, bunu Aİ-nin Azərbaycandakı nümayəndəliyinin rəhbəri Kestutis Yankauskas deyib.
O bildirib ki, Azərbaycanda bir çox bitki məhsulları yetişdirilir və buna görə də ölkə ixrac istiqamətini maksimum dərəcədə artırmalıdır:
"Azərbaycan Aİ ölkələrinə fındıq ixracını uğurla həyata keçirir, inkişaf etmiş ixrac infrastrukturuna malikdir. Azərbaycan pomidorlarının da Avropa İttifaqına ixracı mümkündür"
K.Yankauskas əlavə edib ki, Aİ-nin Azərbaycandakı nümayəndə heyəti bir neçə layihə üzərində fitosanitar təşkilatlarla fəal işləyir və pomidor ixracı məsələsi nəzərdən keçirilərkən ilk növbədə onların keyfiyyətinə diqqət veriləcək.