2005-ci ilin yanvar-iyun aylarında Bakı Fond Birjasının ümumi dövriyyəsi 1 077 894 094 523 manat, 2004-cü ilin yanvar-avqust aylarında 156 066 430 900 manat təşkil edib. BBF-dən Trend ə verilən məlumata görə, 2004-cü ərzində birjanın bütün dövriyyəsi 467 354 495 643 manata bərabər olub. Beləliklə, BBF-nin dövriyyəsi 8 ay ərzində 1 trln manatı keçib.
Bu dövr ərzində Milli bank 443 062 314 100 manat həcmində not yerləşdirib. Notlar üzrə ikinci bazarda dövriyyə 59 027 360 300 manat təşkil edib.
Maliyyə Nazirliyi 121 988 725 100 manat həcmində DQİ yerləşdirib. 2004-cü ilin 6 ayı ərzində bu göstərici 79 106 009 600 manat olub. DQİ-nin ikinci bazarında 1 506 560 000 məbləğində saziş bağlanılıb (2004-cü ilin yanvar-avqustunda DQİ-nin ikinci bazarında dövriyyə 6 380 354 500 manata bərabər olub).
144 950 857 000 manat məbləğində səhmlər yerləşdirilib. 2004-cü ilin yanvar-avqustunda bu göstərici 13 204 388 000 manat təşkil edib. Bu dövr ərzində 17 397 281 702 manat (2004-cü ilin yanvar-avqust aylarının göstəricisi - 2 099 154 300 manat) həcmində səhm hərraxa çıxarılıb.
Bu dövr ərzində yerləşdirilmiş korporativ istiqrazların həcmi 1 519 257 848 manata bərabər olub (2004-cü ilin yanvar-avqust aylarında 54 829 067 000 manat məbləğində istiqrazlar yerləşdirilib). Təkrar bazarda hərracların həcmi 4 396 744 665 manat, keçən ilin yanvar-avqust aylarında isə 447 457 500 manat olub.
2005-ci ilin yanvar-avqust aylarında ümumi məbləği 284 044 993 808 manat olan notlar üzrə repo-sazişlər bağlanılıb.
