Noyabrın 8-9-da İstambulda "Maliyyə, bank və investisiyalar" adlı üçüncü Xəzər sammiti keçiriləcək. Bu barədə Trend ə Azərbaycanın banklar assosiasiyasının prezidenti Zakir Nuriyev bildirib.
Onun sözlərinə görə, sammitin keçirilməsini Türkiyənin Azərbaycandakı müvafiq sektorun inkişafında maraqlı olan banklar assosiasiyası təşkil edir.
Sammitdə Azərbaycanın bank sektorunun hazırkı vəziyyəti və inkişafı müzakirə ediləcək. "Biz noyabrın 7-dən 10-dək Türkiyədə olacağıq və sammitdə Azərbaycanın bank sektorunun gələcək inkişafının perspektivləri mövzusunda məruzə ilə çıxış etməyi nəzərdə tuturuq" -deyə o qeyd edib.
