...

Tağı Əhmədov: "Kart sisteminə keçidlə əlaqədar Bakı metropolitenində gedişhaqqı artırılmayacaq"

Biznes və iqtisadiyyat xəbərləri Materials 12 Dekabr 2005 14:55 (UTC +04:00)

Kart sisteminə keçidlə əlaqədar Bakı metropolitenində gedişhaqqı artırılma1yacaq. Trend məlumat verir ki, bu sözləri jurnalistlərlə söhbətində Bakı metropoliteninin rəisi Tağı Əhmədov bəyan edib.

T.Əhmədov bildirib ki, kart sisteminə mart ayında keçiləcək. Artıq metro stansiyalarında kart sistemi üçün müvafiq cihazlar quraşdırılıb. "Jetonları əvəz edən çipkartlar banklarda artıq satışdadır. Kim istəsə bu gün də həmin kartlardan alıb metroda istifadə edə bilər. Əhali çipkartlarla yanaşı jetonlardan da istifadə edəcək",- deyə T.Əhmədov bildirib.

T.Əhmədov yeni metro stansiyalarının tikintisi üçün artıq 72 milyard ayrılıb. T.Əhmədov: "Tikintiyə heç bir xarici şirkət investisiya qoymayıb. Maliyyə dövlət büdcəsindən ayrılıb. Tikintini "Metro" Səhmdar Cəmiyyəti həyata keçirəcək. Gələn ildən tikintiyə başlanılacaq və 3 ildən sonra isə yeni tikilmiş stansiyalardan biri təhvil veriləcək".

Xəbər lenti

Xəbər lenti