...

Azərbaycan iqtisadiyyatına ümumi kredit qoyuluşunda müddəti keçmiş kreditlərin payı yanvarda təxminən 5% təşkil edib

Biznes və iqtisadiyyat xəbərləri Materials 7 Mart 2006 17:02 (UTC +04:00)

Trend-i buradan izləyin

Azərbaycan Milli bankının (AMB) məlumatına görə, Azərbaycan iqtisadiyyatına 2006-cı ilin 1 fevralına olan vəzi yyətə görə, 1380,4 mlrd. manat həcmində kredit qoyulub. AMB-nin mətbuat xidmətində Trend ə bildirilib ki, bu göstərici yanvarda 4,2% azalıb, 2005-ci ilin 1 fevralı ilə müqayisədə isə 42,2% artıb. Müddəti keçmiş kreditlərin kredit qoyuluşlarının ümumi həcmində xalis çəkisi "Aqrar-kredit" qeyri-bank kredit təşkilatının kredit borcu istisna edilməklə 4,99% (68,9 mlrd. manat) təşkil edib.

Ümumi həcmdə qısamüddətli kreditlərin payına 60,9% düşür ki, bu da 841,4 mlrd. manat təşkil edir, bundan 50,1 mlrd. manat (5,95%) - problemli kreditlərdir. Uzunmüddətli kreditlərin ümumi həcmi 538,9 mlrd. manat (39%) təşkil edir.

Dövlət bankları tərəfindən iqtisadiyyata 684,3 mlrd. manat (49,57%), özəl banklar 656,4 mlrd. manat (47,56%), qeyri-bank kredit təşkilatları - 48,3 mlrd. manat (3,50%) qoyub. Azərbaycan iqtisadiyyatının kreditləşdirməsində bankların xarici kapitalla iştirakı 253,3 mlrd. manat səviyyəsində olub, xalis çəki ümumi kredit qoyuluşlarında 18,35% təşkil edir. 100% xarici kapitalla banklar nizamnamə kapitalında 25 mlrd. manat (1,81%) kreditləşdirib.

Milli valyutada kreditlər 543,2 mlrd. manat (39,35%) həcmində verilib, qalan 837,1 mlrd. manat (60,65 %) isə xarici valyutaya qoyulub. Dövlət sektoruna kredit qoyuluşu 215,2 mlrd. manat (15,59%), özəl sektora 1165,2 mlrd. manat (84,41%) olaraq yönəldilib.

Xəbər lenti

Xəbər lenti