Aprelin sonu-mayın əvvəlində Qars-Axalkalaki-Tiflis-Bakı dəmiryolunun açılış layihəsi çərçivəsində ekspertlərin görüşü keçiriləcək. Bu barədə Azərbaycanın nəqliyyat nazirinin müavini Musa Pənahov məlumat verib.
Görüşdə ekspertlər tərəflərin layihəyə etdiyi dəyişiklikləri nəzərdən keçirməlidir. Daha sonra son variant baxılmaq üçün Azərbaycan, Gürcüstan və Türkiyənin nəqliyyat nazirlərinə təqdim olunacaq. Nazirlərin görüşünün Ankarada keçirilməsi nəzərdə tutulur. Görüşün keçirilmə vaxtı ekspert qruplarının görüşü zamanı müəyyən olunacaq. Hazırda TİƏ-yə Gürcüstan tərəfi baxır.
Layihənin dəyərinə iki variantda baxılır. Bu variantlar onun həlli üzrə texniki məsələyə uyğun nəzərdə tutulub. 1-ci variant $365 mln., 2-ci isə $420 mln dəyərində qiymətləndirilir. Dəyər Gürcüstanda infrastrukturun genişləndlirilməsi imkanlarından asılıdır. Hazırda 2-ci varinata üstünlük verilir. Digər texniki məsələr isə gələcəkdə, yüklərin daşınma həcmi artdıqca həll olunacaq", - deyə M.Pənahov qeyd edib.
