Almanyia-Azərbaycan İqtisadi Dəstək Birliyi (DAWF) Azərbaycanda tərəfdaşlar tapmaq üçün alman işgüzar dairələrinə kömək etməyə hazırdır. Trend in verdiyi məlumata görə, bu barədə bu günki Azərbaycan-Almaniya biznes-forumunda DAWF-nin İdarə Heyətinin sədri Florian Şreder bildirib.
O, alman şirkətlərinin Azərbaycana dəvət edərək qeyd edib ki, artıq 8 ildir ki, Azərbaycanda sabit iqtisadi vəziyyət mövcuddur və 2005-ci ildə ölkədə dünyada ÜDM-un ən yüksək artım sürəti (26,4%) qeydə alınıb.
O, şirkətlərin iştirak edə biləcəkləri bir sıra istiqamətlərin adını çəkib. Çoxmərtəbəli binaların tikintisinin inkişafı ilə əlaqədar alman iş adamları üçün bu sahə bazar ola bilər. İkinci sahə inkişaf etməkdə olan mebel istehsalıdır. Meyvə və tərəfəz emalı, metal emalı, yüngül sənaye, kənd təsərrüfatı texnikasının idxalı, neft sənayesi, informasiya və kommunikasiya texnologiyaları sahələri pespektivli sahələrdir.
Alman texniki yardım cəmiyyəti (GTZ) bu gün artıq ölkənin toxuculuq sənayesində iştirak edir.
2005-ci ildə alman şirkətləri Azərbaycana, o cümlədən, ölkə iqtisadiyyatının qeyri-neft sektoruna 160 mln. avro investisiya qoyub.
İqtisadi inkişaf nazirinin müavini N.Səfərov biznes-forumda qeyd edib ki, alman biznesinin məsələn, infrastruktura, maşınqayırma, aqrosənaye kompleksi, kimya sənayesi, informasiya texnologiyaları kimi sahələrdə investisiyaların artılması üçün gözəl imkanları var.