Nazirlər Kabineti maliyyə naziri Samir Şərifova Dünya Bankının 2-ci "Azərbaycanın institusional quruculuğuna texniki yardım" (IBTA-2) layihəsi üzrə qənaət edilmiş kredit vəsaitlərinin "quş qripi" ilə mübarizə tədbirləri üçün istifadəsi haqqında saziş imzalamaq səlahiyyəti verib. Hökumətdən Trend ə verilən məlumata əsasən, bu məqsədlərə 3,560 mln. SDR (təxminən $5,130 mln.-5,140 mln.) ayrılıb.
DB-nın Direktorlar Şurası IBTA-2 kreditinin rekstrukturlaşdırılması haqqında memorandumu artıq bəyənib.
Kredit vəsaitləri əsasən Dövlət Baytarlıq Xidməti və laboratoriyaların texniki bazasının gücləndirilməsi məqsədilə avadanlığın alınması üçün nəzərdə tutulub. Səhiyyə üzrə 2-ci hissə avadanlığın alınmasını, treninqlərin keçirilməsi və laboratoriyaların bərpasını nəzərdə tutub. Vəsaitlərin əsas hissəsi (75%) avadanlığın alınmasına yönəldiləcək. Layihə çərçivəsində texniki yardım göstəriləcək və kommunikasiya strategiyası hazırlanacaq.