Bu gün axşam Rusiyanın Gürcüstandakı hərbi bazasından texnika daşıyan növbəti eşelon Azərbaycan ərazisindən Rusiyaya keçəcək. Bu barədə Trend ə Azərbaycan Dövlət Dəmir Yolu İdarəsindən xəbər verilib.
Bu günə kimi Azərbaycandan Rusiyaya hərbi texnika ilə doldurulmuş 6 eşelon keçib.
ADDY-nin nümayəndələrinin sözlərinə görə, Rusiya Azərbaycan ərazisindən 400 vaqonun keçməsi ilə bağlı Bakıya müraciət edib. Qatarların keçidi MDB və Azərbaycanda qəbul olunmuş təhlükəsizlik qaydalarına müvafiq həyata keçirilir.