İyulun 27-də Astanada keçiriləcək Azərbaycan, Gürcüstan, Türkiyə, Qazaxıstan və Çin nəqliyyat nazirlərinin görüşü zamanı Çin tərəfinin Poti-Bakı-aktau-Alma-ata marşrutu üzrə hərəkət edən konteyner qatarının işinə qoşulma ehtimalının müzakirə ediləcəyi gözlənilir. Trend in verdiyi xəbərə görə, bu barədə Azərbaycanın nəqliyyat naziri Ziya Məmmədov xəbər verib.
Çin bu layihə ilə çox maraqlanır. Bu ölkə Asiyada konteyner yüklərinin yaradılmasının əsas mənbəyidir. Çin tərəfi sorğu göndərərək, qatarın iş şərtlərini əldə edib.
Bu gün Azərbaycan, Gürcüstan və Qazaxıstan nümayiş konteyner qatarının marşrutunun Qazaxıstan və Çin sərhəddindəki Dostık stansiyasına qədər uzadılması məsələsini gözdən keçirirlər. Daşınma həyata keçirilərkən, hərəkət etmə kilometri üçün bir tona görə 22 sentlik vahid tarif tətbiq edilir.
İşə salma zamanı bu qatar Poti-Bakı-Aktau-Alma-ata marşrutu üzrə işləyirdi. Black sea transit LTD və Advantage international transport and logistics LTD qatarın operatorlarıdır.
Konteyner qatarı bu il dekabrın 24-də işə salınıb. Bu qatar Çin və Avropadan yük göndərənlərin cəlb olunmasına yardım etməlidir. Yüklər Gürcüstanın Poti limanından Bakıdan keçməklə Qazaxıstanın Aktau limanına və əks istiqamətdə nəql olunur.
Ekspertlərin qeyd etdiyi kimi, RF qiymətlərin dempinq siyasətini tətbiq etdiyindən, hazırda Avropadan Asiyaya və əksinə hərəkət edən ümumi konteyner yük axınının 3-4%-i Rusiyadan keçir. Bu , ildə 150 min konteyner təşkil edir. Azərbaycan, Qazaxıstan və Gürcüstan yüklərin bir hissəsinin TRACECA dəhlizi ilə nəqli üçün cəlb etmək fikrindədir.
