Kürdəmir-Ucar avtomobil yolunun yenidən qurulma layihəsinin qiyməti 18,29 mln. ABŞ dolları təşkil edir. Bu layihə 2000-ci ildə Küveytin İN ENG Co. şirkəti tərəfindən hazırlanıb. Hazırda bu layihənin ilkin qiyməti 40-45 mln. ABŞ dolları dəyərində qiymətləndirilir. Bu barədə Trend ə Azərbaycan Nəqliyyat Nazirliyinin "Yolnəqliyyatservis" departamentinin başçısı Cavid Qurbanov xəbər verib.
Bu yolun yenidən qurulması layihəsinin həyata keçirilməsi zamanı çoxlu sayda körpülərin təmiri və genişləndirilməsi nəzərdə tutulub. Tikilmə zamanı onlar 10 ton çəkili avtomobillərin keçməsi üçün nəzərdə tutulub, lakin indi buradan çəkisi təxminən 40-50 ton olan avtomobillər keçir.
Bununla yanaşı, C.Qurbanov qeyd edib ki, bu layihənin texniki şərtləri, tikinti materiallarının dəyəri və s. dəyişib və bu, da layihənin qiymətini çoxaldır. Layihənin gələn ilin birinci rübündə həyata keçirməyə başlanması və 2008-ci ilin sentyabrında tamamlanması planlaşdırılır. Hazırda Küveyt fondu bu layihələrin maliyyələşdirilməsi üçün vəsaitlərin bir hissəsini - 14,32 mln. ABŞ dolları (ilk 4 ili 2,5% faiz dərəcəsi ilə 20 il müddətinə) verməyə hazırdır. Lakin departamentdə qeyd ediblər ki, bu sazişin bəzi şərtləri respublika qanunvericiliyinə ziddir və bu barədə fonda xəbərdarlıq edilib. Fond bu şərtlərin onun üçün standart olduğuna təkid edir. Bu layihə üzrə danışıqlar həm də Dünya bankı ilə aparılır.
