2006-cı ilin yanvar-sentyabr aylarında Azərbaycanın nəqliyyat vasitələri ilə 18746,1 min ton yük daşınıb ki, bu da keçən ilin eyni dövrü ilə müqayisədə 140,4% təşkil edib. Trend in Gömrük Dövlət Komitəsinin məlumatına istinadən xəbər verdiyi kimi, bu həcmin 10815,3 min tonu ixracın, 7929,8 min tonu isə idxalın payına düşür. İxrac əməliyyatları üzrə dəniz (5276,4 min ton), dəmir yolu (971,7 min ton), avtomobil (368,4 min ton), hava (2,8 min ton) nəqliyyatı və boru kəməri vasitəsi ilə nəqliyyat (4190,3 min ton) seçilib.
Tranzit kimi Azərbaycan ərazisindən 5007,1 min ton yük daşınıb. Yüklər əsasən İsveçrə (1552,7 min ton), İtaliya (1321,7 min ton), Gürcüstan (952,6 min ton), Tacikistan (282,8 min ton), Rusiya (157,7 min ton), Türkmənistan (139,2 min ton), İran (130,2 min ton), Türkiyə (125,4 min ton) və Kiprdən (112 min ton) daşınıb. Azərbaycan ərazisi ilə daşınan tranzit yüklərin ümumi həcmi 80,44% təşkil edib və ya 2005-ci ilin analoji dövrü ilə müqayisədə 1217,4 min ton azalıb.
Bu müddət ərzində Azərbaycanın gömrük orqanları tərəfindən 135340 yük gömrük bəyannaməsi (180877əlavə vərəqələrlə) tərtib olunub. Onlardan 29376-sı (33816 əlavə vərəqələrlə) ixracın, 105964-ü isə (147061 əlavə vərəqələrlə) idxalın payına düşür.