Bakı metropoliteni 2007-2020-ci illər üçün yol təsərrüfatının tələblərini ödəmək məqsədilə R-50 markalı relslərin alınması ilə bağlı tender üzrə iştirak ərizələri, bank ödəmələri və digər sənədlərin təqdim edilməsi müddətini bu ilin 19 fevralına keçirib. Bu barədə Trend ə Bakmetropolitenin tender komissiyasından bildiriblər.
Əvvəl bu sənədlərin təqdim edilmə tarixi 2007-ci il 23 fevrala təyin edilmişdi.
Bank təminatları və tender təklifləri isə 2007-ci il fevralın 27-dən gec olmamaqla təqdim eldilməlidir. Tender təkliflərinin açılması fevralın 27-də keçiriləcək.
Tender təkliflərinin qiymətləndirilməsi zamanı önəm aşağı qiymətə, yüksək keyfiyyətə, layihənin vaxtında yerinə yetirilməsinə, podratçının analoji layihələrin yerinə yetirilməsində təcürbəsinə və maliyyə vəziyyətinə veriləcək. Məhsulun çatdırılması ilə bağlı xərclər göndərənin üzərinə düşür.