Trend in məlumatına əsaəsn, 2009-cu ilə qədər ADA Group-un pərakəndə satış bazarında payı 3-5% təşkil edəcək.
Bu gün ADA Group-un idarə heyətinin rəhbəri Rəfael Hacıyevin verdiyi məlumata əsasən, ortamüddətli perspektivdə strateji ikişaf planına əsasən,Abşeron bazarını mənimsəmək planlaşdırılb. Regionlara çıxış isə hələ planlaşdırılmayıb. Lakin hazırda Sumqayıtda bir supermarket açılıb və partnyorlar gələcəkdə böyük şəhərlərə çıxışı nəzərdən keçirir.
Üç il ərzində 2200 yeni iş yerinin açılmasına səbəb olacaq əlavə 50 pərakəndə satış şəbəkəsinin açılışı nəzərdə tutulub. Hazırda fəaliyyət göstərən 15 ticarət şəbəkəsində 600-dən çox insan işləyir. Dolayısı ilə kənd təsərrüfatı, nəqliyyat və malların qorunması sahəsində cəlb olunmuş işçilər 1300 nəfər təşkil edir.
Ticarət şəbəkələri əsasən, əhalinin az təminatlı hisssəi üçün nəzərdə tutulub, buna görə də mərkəzdə yerləşdirilməyib.
R. Hacıyevin sözlərinə görə, Almali markası altında supermarketlərin yaradılmasına bu günə qədər 22 milyon dollar vəsait qoyulub. 2008-ci ilə qədər investisiya 43 milyon dollar təşkil edəcək. Ümumilikdə 55-60 milyon dolların qoyulması gözlənilir.
ADA Group-a ADA-tidjaret, ADA-nagliyyat və ADA-mulkiyyet daxildir.
