Azərbaycan, Bərdə / Trend müxbir Ş.Cəliloğlu/ Güclü küləyin Ağdam və Tərtər rayonlarına vurduğu ziyanla bağlı Fövqəladə Hallar Nazirliyi həmin rayonlara tikinti materialları göndərib. Ağdam və Tərtər rayonlarının icra hakimiyyətlərindən verilən məlumata görə, rayonların hər birinə 100 şifer, 10 kub taxta, 2 qutu mıx göndərilib. Rayonlara verilən tikinti materialları yalnız ziyan dəyən sosial obyektlərə işlədiləcək. Ziyan dəyən fərdi yaşayış evləri və digər obyektlər üçün isə nəqd pul ödəniləcək. Hazırda fərdi evlər və digər obyektlərə dəyən ziyanın məbləği hesablanır.
...
