...

"Azərbaycan İnvestisiya Şirkəti" və BMK memorandum imzalayacaq

Biznes və iqtisadiyyat xəbərləri Materials 9 Mart 2007 13:02 (UTC +04:00)

Azərbaycan,Bakı/müxbir Trend İ.Xəlilova/ "Azərbaycan İnvestisiya Şirkəti" SC və Beynəlxalq Maliyyə Korporasiyasının (BMK) Azərbaycanda korporativ idarəetmənin inkişafı üzrə layihəsi bu gün "Qarşılıqlı anlaşma haqqında" memorandum imzalamağı planlaşdırır. Bu barədə BMK layihə qrupundan məlumat verilib.

Memorandumun imzalanmasında əsas məqsəd AİŞ-in iştirakının planlaşdırıldığı pretendent-şirkətlərdə korporativ idarəetmə normalarının tətbiqidir.

Bununla əlaqədar şirkətlər üçün korporativ idarəetmə Məcəlləsinə uyğun korporativ idarəetmə standartlarının tətbiqində şirkətlərin əsaslanacağı xüsusi təlimat hazırlanacaq. Bu, Azərbaycan sahibkarlarına yalnız investisiya şirkətlərinin vəsaitlərini deyil, həmçinin digər xarici investor, beynəlxalq maliyyə institutlarını da cəlb etməyə imkan verəcək.

BMK layihəsi hazırda Azərbaycan şirkət və banklarına fəaliyyət göstərmələrinə və korporativ idarəetmə normalarına uyğun daxili təlimatlarla kömək edir. Pilot qaydada layihə tərəfindən Azəriqazbank, AZEL seçilib.

Xəbər lenti

Xəbər lenti