Azərbaycan, Bakı /müx. Trend Ü. İsmayılova/ İlin birinci rübündə Azərbaycanın sığorta şirkətlərinin mükafatlarının ən böyük hissəsi "non-life insurance" növünün üzərinə düşüb. Bu barədə Maliyyə Nazirliyinin məlumatında bildirilir.
Nazirliyin məlumatına görə, "non-life insurance" üzrə mükafatların ümumi həcmi 32,718 mln. manat təşkil edib. Ödəmələr isə 6,173 mln. manat olub.
İkinci yerdə məcburi sığorta növü üzrə mükafatlar gəlir. Bu mükafatların ümumi həcmi 3,967 mln. manat, ödəmələr 616,3 min manat təşkil edib.
Üçüncü yerdə isə həyatın sığortası üzrə mükafatlar yer alıb. Müvafiq olaraq buradakı mükafatların ümumi həcmi 107,11 min manata, ödəmələr isə 21,73 min manata bərabər olub.
İlin birinci rübündə Azərbaycanda fəaliyyət göstərən sığorta şirkətlərinin mükafatlarının ümumi məbləği 36,79 mln. manat, ödəmələr isə 6,81 mln. manat təşkil edib.
Qeyd edək ki, sığorta bazarında 28 şirkət fəaliyyət göstərir.