Azərbaycan, Bakı /müx. Trend İ.Xəlilova / Beynəlxalq Maliyyə Korporasiyası (BMK) investorların hüquqlarının müdafiəsi və kapital bazarının inkişafı ilə bağlı Azərbaycana texniki yardım layihəsinin hazırlığına başlayıb. Bu barədə BMK-nın Azərbaycandakı nümayəndəsi Aliyə Əzimova məlumat verib.
Lisenziyalaşdırma sahəsində texniki yardımı İqtisadi İnkişaf və Fövqəladə Hallar nazirlikləri alacaq. İnvestorların hüquqlarının qorunması sahəsində isə İqtisadi İnkişaf Nazirliyi, Prezident yanında Qiymətli Kağızlar üzrə Dövlət Komitəsi və Milli Bank yardım alacaq.
Əzimova hesab edir ki, layihəyə 2007-ci ilin sonuna kimi başlamaq olar. Bu, donor resurslarının cəlb edilməsindən asılı olacaq. "Biz prezidentin apreldə sahibkarlıq fəaliyyətinin inkişafı istiqamətində bəzi tədbirlərə dair sərəncamının nəticələri əsasında işləməyə başlamışıq. Artıq İqtisadi İnkişaf və Fövqəladə Hallar nazirlikləri ilə tikintiyə dair icazənin və biznesin qeydiyyatdan alınması üçün "vahid pəncərə"nin yaradılması sahəsində bu sərəncamın iplementasiyası planının hazırlanması ilə bağlı işləyirik" - deyə Əzimova vurğulayıb.