Azərbaycan, Bakı/ Trend müxbir Ü.İsmayılova/ Bu gün Bakıda Azərbaycan Sığortaçılar Assosiasiyasının rəhbər şəxslərinin görüşü keçiriləcək. Bu barədə çərşənbə günü MBASK sığorta şirkətinin idarə heyətinin sədri, Azərbaycan Sığortaçılar Assosiasiyasının təşkilat komitəsinin üzvü, Müşahidə Şurasının sədr müavini Cəmil Məlikov məlumat verib.
Məlikovun sözlərinə görə, görüşdə Müşahidə Şurasının sədri, Standart Isurance şirkətinin baş direktoru Kamal İbrahimov, Assosiasiyanın icraçı direktoru Hidayət Abdullayev iştirak edəcək. Təşkilati və müəyyən mövzularda olan məsələlər müzakirə olunacaq.
Təşkilati məsələlərə Assosiasiyanın fəaliyyət göstərməsi üçün ofis icarəyə götürülməsi, maşın alınması, hesab açılması və digər məsələlər daxildir. Digər məsələlər isə Assosiasiyanın gələcək fəaliyyəti ilə bağlıdır.
Azərbaycan Sığortaçılar Assosiasiyasının 22 iyunda keçirilən iclasında müşahidə şurası, icraçı direktoru və təftiş komissiyası seçilib.