...

Bakıda Transxəzər qaz nəqli sistemi ilə bağlı danışıqlar keçirilir

Biznes və iqtisadiyyat xəbərləri Materials 27 İyun 2007 16:56 (UTC +04:00)

Azərbaycan, Bakı /müx. Trend S.Əliyev/ Transxəzər qaz dəhlizinin texniki-iqtisadi əsaslandırılmasının yaradılması layihəsi çərşənbə günü Azərbaycanın nəqliyyat nazirinin müavini Musa Pənahovun doktor Mikalis Spayridis başda olmaqla Avropa komissiyasının ekspertləri ilə görüşündə müzakirə olunub. Bu barədə nazirlikdən verilən məlumatda bildirilir.

Türkmənistan və Qazaxıstandan Xəzər dənizi ilə Azərbaycan ərazisindən Avropaya qazın nəqlini nəzərdə tutan bu layihənin effektivliyinin araşdırılmasını Avropa Birliyi öz üzərinə götürüb.

Səfər çərçivəsində Avropa Birliyinin ekspert qrupu həmçinin Azərbaycan Dövlət Dəmir Yolu və Bakı Beynəlxalq Dəniz Ticarət Limanının rəhbərliyi ilə görüşlər keçirəcək.

Xəbər lenti

Xəbər lenti