Azərbaycan, Bakı / " Trend " , müxbir S.Əliyev/ İlin sonuna qədər Azərbaycan Respublikası Dövlət Neft Şirkəti tərəfindən sərbəst şəkildə işlənilən "Günəşli" yatağının dayaz su hissələrində beş yeni quyu qazılacaq. İlin əvvəlindən yataqda səkkiz yeni quyu qazılıb, ARDNŞ-dən verilən məlumatda bildirilir.
ARDNŞ oktyabr ayında "Günəşli" dəniz yatağında yeni yüksək debitli quyu istismara verib. Quyunun sutkalıq debiti 100 ton neft və 138 kubmetr qaz təşkil edir. Quyu "Günəşli-8" platformasından 2956 metr dərinliyində qazılıb.
Quyunun qazma işləri ARDNŞ-nin kompleks qazma işləri tresti "Bayıl Limanı" qazma-kəşfiyyat dəniz idarəsi tərəfindən həyata keçirilir. Platforma 1994-cü ildə istismara verilib və 24 quyunun qazılması üçün nəzərdə tutulub. Bu quyunun sutkalıq debiti 4 min ton neft, 1,5 mln. kubmetr qaz təşkil edir
"Günəşli 19" platformasından qazılmış quyu da istismara verilib. Quyunun sutkalıq debiti 150 min kubmetr qaz və 40 min ton neft təşkil edir.