Azərbaycan, Bakı / Trend , müxbir İ.Xəlilova, A.Bədəlova/ 2008-ci ildə Azərbaycanda inflyasiyanın artım sürəti cari ilin 16,6 faizinə nisbətdə 17 faiz səviyyəsində proqnozlaşdırılır. Bu barədə BVF-nun Yaxın Şərq və Mərkəzi Asiya ölkələri üzrə regional iqtisadi icmalın oktyabr buraxılışında bildirilir.
BVF ekspertlərinin rəyinə görə, cari ildə Orta Şərq və Mərkəzi Asiya ölkələrində inflyasiyanın orta göstəricisi 8,5 faiz həddində gözlənilir. Bu, neft ixrac edən ölkələrdə inflyasiyanın yüksək artımını əks etdirir. Bu ölkələrdə orta göstərici cari ildə, 2006-cı ildə qeydə alınan 7 faizdən 10 faizə qədər kəskin şəkildə artacaq.
Azərbaycan, İran, Liviya və Qətər ikirəqəmli inflyasiya ilə qarşılaşa bilərlər. İraqda inflyasiya yarıya qədər azalıb. Bu, valyuta məzənnəsinin tədrici qiymətləndirməsini və dövlət xərcləri üzərində nəzarəti əks etdirir. Lakin burada inflyasiya hələ də yüksək (30 faizə yaxın) olaraq qalır.
Real valyuta məzənnəsinin qiyməti bütün Orta Şərq və Mərkəzi Asiya ölkələrində artmaqda davam edir.
Neft ixrac edən ölkələr arasında İran, Qətər və Suriyada 2005-2006-cı illərdə, əsasən, yüksək inflyasiya səbəbindən bahalaşma ikirəqəmli olub. Azərbaycanda bu dövrdə Milli valyutanın əhəmiyyətli dərəcədə möhkəmlənməsi nominal bahalaşma və yüksək inflyasiya ilə əlaqədardır.
İnflyasiya artımına təsir edən faktlardan biri dövriyyədə və dövlət xərclərində pul kütləsinin artmasıdır. Azərbaycanda genişlənən pul kütləsi 2007-ci ilin 79 faizinə nisbətdə ,2008-ci ildə 65 faiz arta bilər.
2008-ci ildə ölkənin fiskal balansı cari ilin 4,5 faizinə nisbətdə ÜDM-nın 30,3 faizini təşkil edəcək.
Gələn il dövlət büdcəsinin gəlirləri (Qrantlardan əlavə) bu ilin 33,1 faizinə nisbətdə ÜDM-nın 58,9 faizini təşkil edəcək.
Qeyri-neft fiskal balansı 45,7 faiz aşağı düşəcək. Bu göstərici cari ildə 40,8 faiz təşkil edib. 2008-ci ildə ümumi büdcə gəlirləri qeyri-neft sektorundan 31,9 faiz təşkil edəcək. Dövlət xərcləri və xalis investisiyalar 2007-ci ilin 28,6 faizinə nisbətdə ÜDM-nın 28,5 faizini təşkil edəcək.
Proqnoz üzrə, 2008-ci ildə dövlət borcları, bu ilin 10,3 faizinə nisbətdə, ÜDM-nın 9,2 faizinə qədər azalacaq.
Ümumi xarici borclar, cari ilin 9,5 faizinə nisbətdə, ÜDM-nın 8,4 faizini təşkil edəcək.
