Azərbaycan, Bakı, 30 yanvar / / Müstəqil ekspertlər hesab edirlər ki, "Ümid" və "Babək" dəniz strukturlarında güman edilən hasilat ehtiyatları, səmərəli layın təxminən 6300 metr dərinlikdə yerləşməsi ilə, 200 mlrd. kubmetr qaz təşkil edir. Dövlət Neft Şirkəti dekarbda müstəqil surətdə bu strukturda qazma işlərinə başlamaq niyyətindədir.
Ekspertlərin rəyinə görə, bu strukturda əsas problem ultra-yüksək məsamə və lay təzyiqidir və bu, qazma işlərində əhəmiyyətli çətinliklər yarada bilər. Sovet dövründə bu strukturda 11 quyu qazılıb və onlardan yalnız ikisi güman edilən səmərəli laya çatıb. Lakin səmərəli layın sınağı zamanı (quyuda karbohidrogenlərin axının stimullaşdırılmasına cəhdlər) qəzalar baş verib.
Ekspertlərin rəyinə görə, "Ümid" strukturunda təhlükəsiz qazmanı təmin etmək və səmərəli layın effektiv açılması üçün Qərb texnika və texnologiyalarının, tullamaya qarşı preventorların, sintetik əsasda qazma qatışıqlarının və karotajın müxtəlif növlərinin tətbiq edilməsi lazımdır.
ARDNŞ-də "Ümid" perspektiv qaz-kondensat strukturunun hasilat ehtiyatlarını 50 mlrd. kubmetr qaz kimi qiymətləndirilər. "Ümid-1" platformasından sonrakı qaz hasilatı üçün 6 quyu qazmaq güman edilir. ARDNŞ artıq ikibloklu, dərinsulu "Ümid-1" platformasının tikintisinə başlayıb. Tikinti "Heydər Əliyev adına" Bakı Dərin Özüllər zavodunda həyata keçirilir.
Platformanın tikintisi sentyabrda başa çatıdırılıb. Dekabrda platformadan birinci kəşfiyyat quyusunun qazılmasına başlanılacaq. O, səmərəli layın yeddinci qatında 6500 metr dərinliyə qazılacaq.
