Azərbaycan, Bakı, 15 fevral / Trend / Yanvarda, Dövlət Neft Şirkətinin tərkibinə daxil olan "Heydər Əliyev" adına (keçmiş "Azerneftyanacag") Bakı NEZ və "Azerneftyag" 607 min ton neft emal ediblər. Bu müəssisələrdə neft emalı ötən ilə nisbətən 7,7 faiz enib.
Azərbaycanın Dövlət Statistika Komitəsinin bildirdiyinə görə, avtomobil benzininin istehsalı ötən ilin oxşar dövrü ilə müqayisədə 14,1 faiz, ağ neftin - 7,3 faiz, dizel yanacağının - 3,8 faiz, mazut - 48,5 faiz, birbaşa qovulmuş benzinin istehsalı isə 62 faiz azalıb. Sürtkü yağının istehsalı 15,2 dəfə, neft - bitum - 3,4 faiz artıb.
2008-ci ilin yanvarında Azərbaycanda neft məhsullarının istehsalı:
| Min ton | Yanvar-08 | 2007-ci ilin yanvarına nisbətən %-la |
| Avtomobil benzini | 68,5 | 85,9 |
| Ağ neft | 59,5 | 92,7 |
| Yanacaq mazutu | 144,7 | 51,5 |
| Dizel yanacağı | 185 | 96,2 |
| Neft -bitum | 6 | 103,4 |
| Sürtkü yağı | 9,1 | 15,2 dəfə |
| Birbaşa qovulmuş benzin | 22,7 | 38 |