...

ARDNŞ ilin sonunadək dəniz yatağında yeni ehtiyyat parkı istifadəyə verəcək

Energetika Materials 30 İyul 2008 17:44 (UTC +04:00)

Trend-i buradan izləyin

Azərbaycan, Bakı, 30 iyul / Trend , müxbir E.İsmayılov/ Azərbaycan Dövlət Neft Şirkəti ilin sonunadək "Neft Daşları" Neft -Qaz Çıxarma İdarəsində (NQÇİ) altı çəndən ibarət yeni ehtiyat parkını istifadəyə verməyi planlaşdırır. Bu barədə çərşənbə günü NQÇİ-dən bildiriblər.

"Cari ilin sonunadək altı yeni çənin hamısını istifadəyə verməyi planlaşdırırıq",- deyə NQÇİ-dən bildiriblər.

Çənlərdən dördü artıq quraşdırılıb, hazırda neftin çənlərə doldurulması və boşaldılması üzrə sistemin quraşdırılması işləri aparılır.

NQÇİ cəmi altı çən quraşdırmağı planlaşdırır, onlardan biri xammalın ayrılması üçün istifadə olunacaq. Hər bir çənin həcmi 2000 ton, diametri - 15 metr, hündürlüyü - 12 metr təşkil edir.

ARDNŞ geoloqlarının qiymətləndirməsinə görə, "Neft Daşları" yatağında neftin qalan həcmi 30 mln. tondur. ARDNŞ 2010-cu ilədək yataqda neft hasilatının artırılması üçün 78 yeni quyu qazacaq, yeni platformaların tikilməsi də planlaşdırılır.

Məqalə müəllifi ilə əlaqə ünvanı: [email protected]

Xəbər lenti

Xəbər lenti