Azərbaycan, Bakı, 08 sentyabr / Trend , müxbir E.İsmayılov/ Azərbaycan Dövlət Neft Şirəktinin (ARDNŞ) Heydər Əliyev adına Bakı Dərin Özüllər Zavodu "Neft Daşları -25 21" ikibloklu platformanın birinci blokunun tikintisini başa çatdırıb. Bu barədə bazar ertəsi zavoddan bildiriblər. Platforma sentyabrın sonunadək istifadəyə tam hazır olacaq.
Yeni platformanın quraşdırılması eyni adlı dəniz yatağında neft hasilatını artırmağa imkan verəcək.
"Birinci blokun tikintisini başa çatdırmışıq, 15 gündən sonra platforma tam hazır olacaq", - deyə zavoddan bildiriblər.
İkibloklu platformanın hündürlüyü 27 metrdir, onun suyun 17 metr dərinliyində quraşdırılması nəzərdə tutulub. Platformadan ümumilikdə 12 quyunun qazıması planlaşdırılır.
Bu tədbirlər Azərbaycan prezidentnin "Neft Daşları" Neft-Qaz Çıxarma İdarəsində (NQÇİ) hasilat həcminin 812 min tondan 1,2 mln. tonadək qaldırılmasına dair sərəncamı çərçivəsində həyata keçirilir. 2008-ci ildə yataqda ümumi neft hasilatı həcmi 936,4 min. təşkil edəcək. NQÇİ 2009-cu ildə neft hasilatı həcmini 1 mln. tonadək artırmağı planlaşdırır.
ARDNŞ geoloqlarının qiymətləndirməsinə görə, "Neft Daşları"nda qalan neft ehtiyatları 30 mln. ton təşkil edir. 2010-cu ilədək yataqda neft hasilatını artırmaq üçün ARDNŞ 78 yeni quyu qazacaq.
Məqalə müəllifi ilə əlaqə ünvanı - [email protected]
