Azərbaycan, Bakı, 26 sentyabr / Trend / 2008-ci ilin yanvar-avqustunda Azərbaycanda 3,5 mlrd. kVt/saatdan çox elektrik enerjisi istehlak edilib. Ötən ilin analoji dövründə bu rəqəm təxminən 3,36 mlrd. kVt/saata bərabər olub, їAzərenerjiї SC-nin cümə günü yayılan məlumatında bildirilir.
Səkkiz ay ərzində istifadə edilmiş elektrik enerjisinə görə ümumi ödəniş 70 faiz olub ki, bu da 2007-ci ilin analoji dövr göstəricisini 19 faiz qabaqlayır. Məişət abunəçiləri 1,2 mlrd. kVt/saat elektrik enerjisi istehlak ediblər ki, bu da ötən ilin yanvar-avqust göstəricisindən 220 mln. kVt/saat azdır.
Avqustda ümumilikdə 406 mln. kVt/saat elektrik enerjisi istehlak edilib. Ötən ilin müvafiq ayında isə bu rəqəm 394 mln. kVt/saata bərabər olub. Ümumi ödəniş 82 faizdən çox olub ki, bu da ötən ilin analoji göstəricisndən 7,2 faiz çoxdur. Avqustda əhali tərəfindən 122 mln. kVt/saat elektrik enerjisi istehsal edilib, ödəniş 75 faiz olub.
їAzərsuї SC istifadə edilmiş elektrik enerjisinə görə 21,5 faiz, Qaçqın və Məcburi Köçkünlərlə iş üzrə Dövlət Komitəsi 78,6 faiz, büdcə təşkilatları isə 99,2 faiz ödəniş ediblər.