Gürcüstan, Tbilisi, 21 yanvar/ Trend , müxbir N.Kirtsxaliya/
SOCAR Energy Georgia şirkəti Gürcüstanda fəaliyyət göstərən yanacaqdoldurma məntəqələrində (YDM) yanacaq üzrə talon sistemini kart sistemi ilə əvəzləməyə başlayıb. Bu barədə şirkətin marketinq xidmətindən bildiriblər.
Şirkətdən bildiriblər ki, gələn həftədən şirkətin benzindoldurma stansiyaları şəbəkəsində müştərilərə iki tip kart - ümumi və ilkin ödəmə kartları təqdim olunacaq.
SOCAR-ın (Azərbaycan Dövlət Neft Şirkəti) Gürcüstanda 20 yanacaqdoldurma stansiyası var. Bir neçə ilə bu rəqəm 60 - a çatdırılacaq.
SOCAR Energy Georgia Gürcüstanın neft və neft məhsulları bazarında distribüsiya və marketinqlə məşğuldur. O, Gürcüstan bazarında neft məhsulları və qaz satır, yanacaqdoldurma məntəqələri şəbəkəsinə malikdir. SOCAR Georgia-nın həmtəsisçiləri aşağıdakılardır: ARDNŞ - 51 faiz, Petro-Trans FZCO - 32,7 faiz və İvan Çxartişvili - 16,3 faiz.
Məqalə müəllifi ilə əlaqə ünvanı - [email protected]
