Azərbaycan, Bakı, 19 fevral / Trend / Fevralın 1-nə olan məlumatlara görə, Azərbaycanın əsas istehlakçılarının mazut ehtiyatları 323 min ton təşkil edib ki, bu da ötən ilin analoji dövr göstəricisi ilə müqayisədə 25,7 faiz çoxdur. Bu barədə Azərbaycan Dövlət Statistika Komitəsindən məlumat verilib.
Əsas istehlakçıların dizel yanacağı ehtiyatları 12,3 min ton təşkil edib ki, bu da 2008-ci illə müqayisədə 17,1 faiz artıqdır. Avtomobil benzini ehtiyatları 16,9 min tona (39,7 faiz çox) bərabər olub.
Maye qaz həcmi 1,5 min ton təşkil edib ki, bu da 2008-ci ilə nisbətdə 7,1 faiz çoxdur.
Əsas istehlakçıların daş kömür ehtiyatları 7,4 min tona bərabər olub ki, bu da ötən ilin analoji göstəricisindən iki dəfə çoxdur.