Azərbaycan, Bakı, 12 mart / Trend /
"Azərbaycanda bir sıra yaşayış məntəqələrində yeni qaz xətlərinin çəkilməsi adı altında ölkənin qaz strukturlarına aidiyyatı olmayan bir qrup şəxs tərəfindən əhalidən pul yığılması halları artıb", - Azəriqaz QSC-nin rəsmi mətbuatda yayılmış bəyanatında deyilir.
Bəyanatda bildirilir ki, Azərbaycan ərazisində qazlaşdırma işlərinin aparılması və yaşayış məntəqələrinin qazla təminatının bərpası Azəriqaz-ın icazəsi olmadan aparıla bilməz. Bu işlər layihə-smeta əsasında ixtisaslaşmış təmir-tikinti idarələri tərəfindən aparılmalıdır.