...

İran "Persian Pipeline" boru kəmərinin keçəcəyi ölkələrin adlarını açıqlayıb

Energetika Materials 1 Aprel 2009 12:50 (UTC +04:00)

İranın neft naziri "Persian Pipeline" boru kəməri vasitəsilə İran qazının Avropaya nəqli üçün tranzit ölkələrin adlarını açıqlayıb. Bu barədə İran televiziyası məlumat verib.

"İran qazının Avropaya nəqlini nəzərdə tutan yeni boru kəməri İraq, Suriya, Aralıq dənizi, Yunanıstan və İtaliyadan keçəcək", - deyə İranın neft naziri Qulamhüseyn Nozari Suriyanın neft naziri ilə görüşdən sonra keçirilən mətbuat konfransında bildirib.

Onun sözlərinə görə, İran qazının Avropaya nəqli üçün müxtəlif tranzit ölkələr təklif olunub, lakin onların fikrincə, ən yaxşı yol İraq, Suriya və Aralıq dənizi marşrutudur.

"Avropa ölkələri İran qazını almaqda maraqlıdır və hazırda biz onlarla yeni boru kəmərini müzakirə edirik", - deyə Nozari vurğulayıb.

Suriyanın neft və mineral ehtiyatlar naziri Sofian əl-Alao bildirib ki, razılaşdırılmış sənədlər, xüsusilə də İran qazının Suriyaya nəqli və Suriyada İran-Venesuela-Malayziya birgə neft emalı zavodunun tikintisi məsələlərinin icrası İran və Suriya prezidentlərinin diqqət mərkəzidədir.

Onun sözlərinə görə, iki ölkənin səyləri nəticəsində İran qazının Suriyaya nəqlinə 2010-cu ilin sonunda başlanacaq.

İranın neft naziri martın 30-da Suriyaya beş günlük səfərə yola düşüb.

Xəbər lenti

Xəbər lenti