"Cask neft kəmərinin çəkilməsi Xəzər dənizini Fars körfəzi ilə birləşdirəcək", - deyə jurnalistlərə İranın Milli Neft Şirkətinin direktoru Seyfulla Caşnsaz bildirib. Bu barədə Mehr xəbər agentliyi məlumat yayıb.
"Hazırda Cask boru kəmərinin yaradılması layihəsi hazırlanıb. Layihənin reallaşdırılması ilə Xəzər dənizi və Fars körfəzində istehsal potensialı artacaq", - deyə Caşnsaz vurğulayıb.
"Cask boru kəmərinin uzunluğu 1550 km təşkil edəcək. Layihəyə 3,5 mlrd. dollar yatırılacaq. Layihənin icraçısı İranın Milli Neft Şirkətidir", - deyə Caşnsaz qeyd edib.
Onun sözlərinə görə, Cask neft terminalı 18 min hektar ərazidə tikiləcək.
"Terminalın layihəsi və ekspertlərin rəyləri ilin əvvəlində müzakirə olunub. Layihə beş il ərzində həyata keçiriləcək", - deyə o bildirib.
Cask neft boru kəməri terminalı İranın Hormuzqan əyalətində yerləşir.