Azərbaycan, Bakı, 01 iyul / Trend , müxbir E. İsmayılov /
Yanvar-iyun aylarında Xəzər boru kəməri konsorsiumunun (XBKK) səhmdarları "Cənub gölü - 2" terminalına 17,2 milyon ton (134,5 milyon barel) CPC Blend markalı neft yükləyiblər. Bu göstərici 2008-ci ilin ilin eyni dövrü üçün 15,5 milyon ton (121,3 milyon barel) təşkil edib. Bu barədə XBKK-nın mətbuat xidmətindən məlumat verilib.
İyunda 2,8 milyon tondan (22,3 milyon barel) çox neft göndərilib. Keçən ilin eyni dövründə isə bu göstərici 2,7 milyon ton (21 milyon barel) olub. 2008-ci ildə səhmdarlar terminala 31,5 milyon ton, 2007-ci ildə isə 32,6 milyon ton neft yükləyiblər.
CPC Blend neftinin sıxlığı 812,3 kq/m3, kükürd tərkibi 0,53 faizdir. CPC Blend neftinin bir tonu 7,8 bareldir.
XBKK-nın terminalda daşınmanı və yükləmələri həyata keçirən yükləyiciləri (qoşulma ardıcıllığı ilə) aşağıdakı kimidir:
- "Tengizşevroyl" - bağlanmış müqavilələrdən birincisi - tədarük olunan əsas həcmlər sistemin əsas yüklənməsini təmin edir,
- "Arman" - XBKK-nın səhmdarı Oryx Caspian Pipeline LLC-nin affilə edilmiş yük göndərəni. Hazırda "Şell"in mülkiyyətindədir,
- "Embamunayqaz" və "Kazaxoyl-Aktobe". XBKK-nın səhmdarı Kazakstan Pipeline Ventures LLC-nin affilə edilmiş yük göndərəni -,
- "CNPC-Aktobemunayqaz" - Qazaxıstan hökumətinin giriş hüquqlarından yararlanaraq terminalda həcmlərin nəql və boşaldılmasını həyata keçirir,
- "Litasko" - XBKK-nın səhmdarı LUKARKO B.V. şirkətinin affilə edilmiş yük göndərəni.
- "Karaçaqanak Petroleum Opereytinq B.V." - "Tengizşevroyl"dan sonra həcmlər üzrə ikinci yükgöndərən. XBKK-nın bir çox səhmdarlarının yanında affilə edilib.
- "Nafta Trans" QSC və onunla affilə edilmiş şirkətlər - Rusiya Federasiyasının giriş hüquqlarına əsasən rus hasilatçılarının neftini XBKK-ya tədarük etmək səlahiyyətindədir.
Məqalə müəllifi ilə əlaqə ünvanı: [email protected]
