Azərbaycan, Bakı, 14 sentyabr / Trend , müxbir E.İsmayılov /
Tbilisidə bu günlərdə ARDNŞ-in brendi altında növbəti yanacaq doldurma stansiyası istismara veriləcək, bu barədə bazar ertəsi Gürcüstan bazarında Azərbaycanın neft məhsullarının satışı ilə məşğul olan SOCAR Georgia Petroleum şirkətindəki (Socar Energy Georgia şirkətinin törəməsi) mənbə bildirib.
"YDS-nın sayının artırılması üzrə işlər davam edir, bugün-sabah Tbilisidə növbəti stnasiyanın açılması gözlənilir", - mənbə bildirib.
Mənbənin bildirdiyi kimi, sentyabrın sonuna kimi Tbilisidə ARDNŞ-ın daha bir YDS açılacaq.
"Hazırda ARDNŞ-ın Gürcüstandakı YDS-nın ümumi sayı 23-ə bərabərdir, lakin bu ilin sonuna kimi bu rəqəm 30-u ötəcək", - daha öncə SOCAR Energy Georgia-nın başçısı Mahir Məmmədov bildirib.
"Bizim planlarımız çoxdur, istəyirik ki, şirkətimiz pərakəndə satış sahəsində birinci yer tutsun və bir neçə il ərzində biz bu məqsədə nail olacağıq. Əgər Gürcüstandakı YDS-ın sayı 60-70-ə çatarsa, biz bu nəticəyə yaxın olacağıq", - deyə Məmmədov bildirib.
SOCAR Energy Georgia Gürcüstanın neft və neft məhsulları bazarında distribusiya və marketinq ilə məşğuldur. Şirkət Gürcüstan bazarında neft məhsulları və qaz satışını həyata keçirir.
SOCAR Georgia-nın həmtəsiçiləri - ARDNŞ - 51 faiz, Petro-Trans FZCO - 32,7 faiz və İvan Çxartişvilidir - 16,3 faiz.
Məqalə müəllifi ilə əlaqə ünvanı: [email protected]
