Azərbaycan, Bakı, 11 noyabr / Trend , müxbir A.Bədəlova/
"Nabukko" qaz kəməri layihəsinə dair yekun investisiya qərarının qəbulu 2010-cu ilin sonuna keçirilib. Bu barədə layihənin rəsmi nümayəndəsi Kristian Dolezal (Christian Dolezal) deyib.
"Noyabrda layihənin 7 səhmdarı ilə razılaşdırılmış bu vaxt 2010-cu ilin dördüncü rübünə düşür. Biz yekun investisiya qərarının qəbulunu dördüncü rübdə gözləyirik", - Dolezal deyib, Reuters yazır.
Bu yaxınlarda konsorsium potensial kreditorlar: Avropa İnvestisiya Bankı, Avropa İnkişaf və Yenidənqurma Bankı, həmçinin Kredit İxracı Agentliyi ilə ətraflı danışıqlara başlandığı barədə məlumat verib. Əvvəlcə 2010-cu ilin əvvəlinə planlaşdırılmış yekun investisiya qərarının qəbulu vaxtının dəyişdirilməsi aparılan danışıqların nəticəsində ola bilər.
Konsorsiumun məlumatında deyildiyi kimi, kreditorlarla danışıqlar maliyyələşdirmə və digər məsələlərlə bağlı qərarların müəyyən əsas parametirlərinə istiqamətlənib.
Bununla da, yekuni investisiya qərarının qəbulu vaxtının təxirə salınması layihəyə dair digər mühüm qərarların qəbulunu ləngidir, ətraf və sosial mühitin qiymətləndirilməsi kimi təsirlər istər-istəməz layihənin həyata keçirilməsi prosesini geri salır.
Yekun investisiya qərarının qəbulu vaxtının təxirə salınmasına baxmayaraq, boru kəmərinin inşası vaxtında başlayıb. Layihənin rəsmi nümayəndəsinin sözlərinə görə, dəyişilməz olaraq 2011-ci il qalıb. Növbəti mühüm addım "open season" prosessidir ki, gözlənildiyi kimi, 2011-ci ilin üçüncü rübünə nəzərdə tutulub.
Dəyəri 7,9 mlrd. avro olan "Nabukko" kəməri ilə Xəzər regionu və Yaxın Şərqdən Aİ ölkələrinə qazın ixracı nəzərdə tutulur. İlk tədarüklərə 2014-cü ildə start veriləcək. Boru kəmərinin maksimal gücü ildə 31 mlrd. kubmetrə bərabərdir. Layihənin iştirakçıları Avstriyanın OMV, Macarıstanın MOL, Bolqarıstanın Bulgargaz, Rumıniyanın Transgaz, Türkiyənin Botaş və Almaniyanın RWE şirkətləridir.