Azərbaycan, Bakı, 11 mart / Trend /
Amerikanın "Devon Energy Corporation" şirkəti Azərbaycan, Braziliya və Meksika körfəzində öz aktivlərinin 7 milyard dollara satışı üzrə BP şirkəti ilə müqavilə bağlanması haqqında cümə axşamı elan edib.
BP-nin operatoru olduğu Azərbaycanın "Azəri-Çıraq-Günəşli" layihəsində "Devon Energy"nin iştirak payı 5,6262 faiz təşkil edir. BP-nin məlumatına əsasən AÇG-də təsdiqlənmiş neft ehtiyatı yeddi milyard bareli ötür.
"Bu satış Meksika körfəzində1,3 milyard dollar həcmində əvvəlcə imtina edilən aktivlərlə birgə "Devon"u strateji mövqeyini dəyişməsini sonlandırmağa yönəldir", - şirkətin sədri və icraçı-direktoru Lari Nikols bildirib. - "Devon"un qalan aktivlərinin satışının rasional qiyməti, indiyə kimi keçirilən tranzaksiyalar vergilərin ödənilməsindən sonra satış proqramından əldə olunan mədaxilin ümumi həcmi tərəfimizdən öncə elan olunan 4,5 milyard dollar dəyərindəki məbləği ötərək, 7,5 milyard dollara çatacaq".
"Azəri-Çıraq-Günəşli" yataqlar blokunun səhmdarları bunlardır: ВР (operator - 34,1%), "Chevron" (10,2%), ARDNŞ (10%), INPEX (10%), "StatoilHydro" (8,6%), "ExxonMobil" (8%), TRAO (6,8%), "Devon" (5,6%), ITOCHU (3,9%), "Hess" (2,7%).
Bununla da sövdələşmənin tamamlanmasından sonra BP-nin Azərbaycan layihəsində payı indiki 34,1367 faizdən 39,7629 faizə kimi artacaq.
"Devon Energy" ötən ilin noyabr ayında AÇG layihəsində öz pay hissəsini, həmçinin, bütün beynəlxalq aktivlərini, eyni zamanda, Meksika körfəzindəki aktivlərini satmaq və öz fəaliyyətini Şimali Amerikadakı onşor layihələrə yönəltmək niyyəti barədə bəyan edib.
Hazırda Xəzər dənizinin Azərbaycan sektorunda AÇG-də neftin "Azeri Light" növünün sutkalıq hasilatı, təxminən, 850 min barel təşkil edir.
Neftin nəqli Bakı-Tbilisi-Ceyhan və Bakı-Supsa boru kəməri ilə nəql olunur. Neft, həmçinin, Gürcüstanın Batumi limanına dəmiryolu ilə də çatdırılır. AÇG-nın səhmdarlarından olan, lakin BTC boru kəmərinin tikintisinə sərmayə yatırmayan "Devon Energy" və "ExxonMobil" şirkətləri "Azeri Light" növlü neftin öz pay hissələrini Batumi limanına dəmiryolu ilə nəql edirlər.
AÇG üzrə PSA müqaviləsi 1994-cü ilin sentyabr ayında imzalanıb. Müqavilənin müddəti 30 ildir.
Məqalə müəllifi ilə əlaqə ünvanı: capital@trend.az
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
